विदेश

पाकिस्तानभरि इन्टरनेट सेवामा समस्या

एजेन्सी, मंसिर ३०–प्राविधिक समस्याका कारण पाकिस्तानमा देशभरी इन्टरनेट सेवामा समस्या भएको छ । कतारको राजधानी दोहानजिकै केवुलमा आइतबार समस्या आएपछि पाकिस्तानभरि नै इन्टरनेट सेवामा समस्या आएको जनाइएको छ । पाकिस्तान टेलिकम्युनिकेसन कम्पनी लिमिटेड पिटिसिएलले वक्तव्य जारी गरेर एएई—१ केबुलमा प्राविधिक समस्या भएकाले इन्टरनेट सेवा सञ्चालन नभएको स्पष्ट पारेको छ ।

इन्टरनेट प्रयोगकर्ताहरूले इन्टरनेट सेवा निकै सुस्त भएको र कतिपय ठाउँमा त घन्टौंसम्म पनि चल्दै नचलेको बताएका छन् । पाकिस्तानमा सञ्चालन भएको इन्टरनेट दक्षिण पूर्वी एसिया, यूरोप, इजिप्टलगायतका देशमा भएको इन्टरनेटसँग सम्वन्धित रहेको अधिकारीहरूले जनाएका छन् । त्यसैगरी हङकङ, भियतनाम, कम्बोडिया, थाइल्याण्ड, मलेसिया, सिंगापुर, म्यानमार, भारत, पाकिस्तान, ओमन, यूएई, कतार, यमन, साउदीअरब, इजिप्ट, ग्रीस, इटली र फ्रान्समा सञ्चालन भइरहेको इन्टरनेट एउटै सञ्जालबाट वितरण भइरहेको प्राविधिक तथा विज्ञहरूको भनाइ छ ।

Featured