देश

लैङ्गिक हिंसा नियन्त्रण गर्न समन्वकारी काम गर्न आग्रह

रुपन्देही, मंसिर २२–मानव बेचबिखन एवं लैङ्गिक हिंसा नियन्त्रण गर्न सञ्चारकर्मीको भूमिका महत्वपूर्ण हुनेमा जोड दिइएको छ । सोह्रदिने लैङ्गिक हिंसाविरुद्धको अवसरमा सुनगाभा सामुदायिक विकास केन्द्र रुपन्देहीद्वारा आयोजित कार्यक्रममा मानव बेचबिखन एवं लैङ्गिक हिंसा नियन्त्रण गर्न सरकार तथा नागरिक समाजले समन्वयकारी काम गर्न आग्रह गरिएको हो । कार्यक्रममा सामाजिक विकास महाशाखा प्रमुख शारदा बस्यालले लैङ्गिक हिंसा अन्त्य गर्न कानून, नीति र कार्यक्रमको प्रभावकारी कार्यान्वयन आवश्यक रहेको बताए ।

आर्थिक वर्ष २०७५र७६ मा प्रदेश नं ५ मा २५८ मानव बेचबिखनसँग सम्बन्धित घटना नेपाल प्रहरी, महिला तथा बालबालिका सेवा निर्देशनालयमा दर्ता भएका थिए । कार्यक्रममा केन्द्रका अध्यक्ष प्रेमबहादुर विकले समाजमा आपराधिक क्रियाकलाप बढ्दै गएकाले यसको नियन्त्रणका लागि समुदायलाई सचेत बनाउन जरुरी रहेको बताउनुभयो । केन्द्रका कार्यकारी निर्देशक गोपालबहादुर केसीले मानवअधिकार संरक्षण र संवद्र्धनका लागि सञ्चारकर्मीको सकारात्मक भूमिका हुनुपर्नेमा जोड दिए ।

Featured