खेलकुद देश

नेपालको जितमा सावित्राको हृयाट्रिक, स्वर्णका लागि भारतसँग खेल्ने

काठमाडौ, मंसिर १९–१३औं दक्षिण एसियाली खेलकुद (साग)अन्तर्गत महिला फुटबलको सेमिफाइनलमा माल्दिभ्सलाई ३(० गोल अन्तरले पराजित गर्दै नेपाली टोलीले फाइनल यात्रा तय गरेको छ । नेपाल लगातार तेस्रो पटक साग महिला फुटबलको उपाधि नजिक पुगेको हो । नेपालको जितमा सावित्रा भण्डारीले हृयाट्रिक गरिन् । पोखरा रंगशालामा सम्पन्न सेमिफाइनलमा सावित्राले खेलको १६, २० र इन्जुरी समयमा गोल गरेकी थिइन् । अब नेपालले स्वर्णका लागि भारतसँग खेल्नेछ । आज भएको दोस्रो खेलमा भारत श्रीलङ्कालाई ६(० गोलअन्तरले पराजित गर्दै फाइनलमा प्रवेश गरेको हो ।

बिहीबार पोखरा रंगशालामा भएको खेलमा नेपालले १६औं मिनेटमा सावित्राको गोलबाट अग्रता लिएको थियो । त्यसको चार मिनेटमै सावित्राले नेपालको अग्रता दोब्बर पारिन् । इन्जुरी समयमा सावित्रालाई डिबक्सभित्र माल्दिभ्सका खेलाडीले फाउनल गरेपछि पाएको पेनाल्टीमा नेपालले सहज जित सुनिश्चित र्गयो । पेनाल्टीमा गोल गर्दै सावित्राले हृयाट्रिक पूरा गरिन् ।

सावित्राको कीर्तिमान
स्ट्राइकर सावित्रा भण्डारी नेपालका लागि सर्वा्धिक अन्तर्रा्ष्ट्रिय गोल गर्ने खेलाडी बनेकी छन् । आज माल्दिभ्सविरुद्ध गोल गर्दै उनले ३८औं अन्तर्रा्ष्ट्रिय गोलको कीर्तिमान बनाइन् । यसअघि सो कीर्तिमान अनु लामा (३५ गोल)को नाममा थियो । आजको सेमीफाइनलमा नेपाली टोलीको हौसलाका लागि घरेलु दर्शकको उल्लेख्य उपस्थिति थियो ।

भारतसँग छैठौ भेट
तेस्रोपटक नेपाल र भारतबीच साग महिला फुटबलको फाइनल हुने भएको छ । यसअघि सन् २०१० र २०१६ मा यी दुई टोली नै फाइनलमा भेट भएको थियो । दुवै संस्करणमा भारतले स्वर्ण र नेपालले रजत पदक जितेको थियो ।

यसपटक दुवै टोलीले राउन्ड रोविन लिगको एक खेल बाँकी रहँदै फाइनलमा स्थान सुरक्षित गरिसकेका छन् । फाइनल अघि राउन्ड रोविनमा भारत र नेपालबीच शनिबार प्रतिस्पर्धा हुनेछ । महिला साफ च्याम्पियनसिपमा पनि यी दुई टोलीबीच नै सबैभन्दा बढी फाइनल हुँदै आएको छ । हालसम्म भएका पाँच खेलमध्ये ४ पटक भारत र नेपालबीच नै फाइनल भएको छ । जसमा भारत सधै विजेता र नेपाल उपविजेता बन्दै आएका छन् ।

Featured