देश

ओली पछि सरकारको नेतृत्व ‘प्रचण्ड’ले गर्नुहुन्छ: नेता पौडेल

रुपन्देही, साउन ४। नेकपाका नेता तथा स्थायी समितिका सदस्य देवेन्द्र पौडेल ‘सुनिल’ले सरकारको नेतृत्व पुष्पकमल दाहाल ‘प्रचण्ड’ले गर्ने बताउनु भएको छ ।

रिपाेर्टर्स क्लव पाँच नम्बर प्रदेशले शनिबार बुटवलमा आयोजना गरेको साक्षात्कारमा बोल्दै उहाँले पार्टी एकताको बेला शीर्ष नेताबीच भएको पाँच बुदे सहमतिमा आलोपालो सरकारको नेतृत्व उल्लेख भएकाले केपी ओलीपछि प्रचण्ड प्रधानमन्त्री बन्ने बताउनु भएको हो ।

शीर्ष नेताहरुबीच भएको सहमतीको पूर्ण कार्यान्वयन आवश्यक रहेको भन्दै उहाँले अहिले नै नेतृत्व परिवर्तनको बेला भने आइनसकेको बताउनु भयो । ओलीपछिको नेता प्रचण्ड नै भएको भन्दै उहाँले अबको साझा विचार ‘जनताको जनवाद’ नै हो भन्नुभयो ।