देश

सी जिनपिङ नेपाल आउँदा–जाँदा ५ घण्टा विमानस्थल अवरुद्ध

काठमाडौं– चिनियाँ राष्ट्रपति सी जिनपिङ नेपाल भ्रमणको कारण ५ घण्टासम्म त्रिभुवन अन्तर्रा्ष्ट्रिय विमानस्थल प्रभावित हुने भएको छ। नागरिक उड्ययन प्राधिकरण, त्रिभुवन अन्तर्रा्ष्ट्रिय विमानस्थल कार्यालयले शनिबार एक नोटम (नोटिस टु एयरमेन) जारी गर्दै शनिबार साढे २ घण्टा र आइतबार साढे २ घण्टा गरी सम्मा ५ घण्टा विमानस्थल अवरुद्ध हुने जनाएको हो।

नागरिक उड्ययन प्राधिकरणका अनुसार शनिबार दिउँसो २ बजेर ५५ मिनेटदेखि साँझ ५ बजेर २५ मिनेटसम्म तथा आइतबार बिहान ११ बजेर २० मिनेटदेखि दिउँसो १ बजेर ५० मिनेटसम्मका लागि नोटम जारी गरिएको छ। सो बीचमा आन्तरिक र बाह्यतर्फका सबै उडान प्रभावित हुन सक्नेछन्। सो समय चिनियाँ राष्ट्रपति आउँदा र फर्किँदाको हो।

अन्तराष्ट्रिय उडानका लागि पार्किङ सीमितताका कारण समेत उडान तालिका नोटम अवधिको अघि र पछि व्यवस्थापन गरिएको भन्दै प्राधिकरणले संशोधित उडान तालिका सम्बन्धित वायुसेवा कम्पनीबाट प्राप्त गर्न सकिने जनाएको छ।

Featured