NRNA खबर देश

एनआरएनए आइसिसी कोषाध्यक्ष उम्मेदवार श्रेष्ठको १० बुँदे प्रतिवद्धता सार्बजनिक

काठमाडौं, असोज ७–गैर आवासीय नेपाली संघ (एनआरएनए) आइसिसि कोषाध्यक्षमा जापनबाट उम्मेदवारी घोषणा गरेका महेश श्रेष्ठल प्रतिवद्धतापत्र सार्बजनिक गरेका छन् । अगामी अक्टोवर १५ देखि १७ तारिखसम्म काठमाडौंमा हुन लागिरहेको नवौ विश्व सम्मेलनमा कोषाध्यक्ष पदमा उम्मेदवारी घोषणा गरेका उनले विभिन्न १० बुँदे प्रतिवद्धता सार्बजनिक गरेका हुन् ।

यस्तो छ श्रेष्ठको १० बुँदे प्रतिवद्धता
१. वार्षिक ८ करोड रुपैयाँ संकलन हुनेगरि गैरआवासीय श्रमिक कल्याण कोषको स्थापना गर्नेछु । उक्त कोषको स्थापना तथा सञ्चालनका लागि संवन्धित पक्षहरुसंग छलफल अगाडी बढाई सकिएको छ ।

२. गैरआवासीय नेपाली संघ (एनआरएनए) को आर्थिक हिसाब किताब अझ वैज्ञानिक तथा पारदर्शी रुपमा राखिने छ । आर्थिक हिसाब किताब अन्तर्रा्ष्ट्रिय मापदण्ड अनुसार डिजिटलाइज गरिनेछ । संघको अनुमातिक वार्षिक आय–व्यय तय गरी खर्चको विवरण प्रत्येक ३ महिनामा वेबसाइट मार्फत सार्वजनिक गरिनेछ।

३. संघको काठमाडौं स्थित सचिवालयको खर्चमा मितव्ययिता अपनाई अझ व्यवस्थित बनाउनेछ साथै आर्थिक स्थायित्वको लागि आवश्यक नयाँ नीतिहरु तर्जुमा गर्नेछु ।

४. गैरआवासीय नेपाली संघ (एनआरएनए) केन्द्रिय महाधिवेशन एवं क्षेत्रीय बैठकहरुमा हुने खर्च तथा संघले सञ्चालन गर्ने परियोजनाहरुमा गरिने खर्चहरुमा मितव्ययिता, पारदर्शिता एवं आर्थिक अुशासन कायम गरिने छ ।

५. सचिवालय सञ्चालन र परियोजनाका लागि सदस्यता शुल्क र पदाधिकारीको व्यक्तिगत सहयोगमा भर पर्नु पर्ने स्थितिको अन्त्य गरी आर्थिक दीगोपनका लागि वैकल्पिक स्रोतको खोजी गरिनेछ ।

६. रु. १० अर्बको संयुक्त लगानी कोष स्थापना गरी थोरै आम्दानी हुने गैरआवासीय नेपालीहरुले पनि लगानी गर्न सक्ने वातावरण तयार गरिने छ।

७. खेलकुद अनि नेपाली भाषा, साहित्य र संस्कृतिलाई विशेष प्राथमिकता क्षेत्रमा राखिनेछ । युवा, महिला तथा दोस्रो पुस्ता पछि का गैरआवासीय नेपालीहरुको समस्या, चुनौति र अवसरका वारेमा गहन अध्ययन गरी स्वेतपत्र जारी गरिनेछ ।

८. भिजन २०२० एण्ड वियोण्ड एनआरएनका लागि मार्गदर्शक सिद्धान्त हो । विश्वभर छरिएर रहेका विभिन्न पेशा, वर्ग, क्षेत्र र विभिन्न समुदायका ६० लाख भन्दा बढी गैरआवासीय नेपालीहरुको साझा संगठनका रुप मा एनआरएनएलाई अघि बढाउन यसको सांगठनिक संरचना मा आवश्यकता अनुरुप परिवर्तन र परिमार्जन गरिनुपर्छ भन्ने मेरो मान्यता रहेको छ ।

९. संघका मुख्य आधार स्तम्भहरु NRNA Foundation, Policy Institute, Knowledge and Skill Academy, Businesses and Investment Forum, Migration & Foreign Workers Welfare committee/Women and Youth Forum लाई मुख्य आधार बनाएर संघको उद्देश्य प्राप्तिको लागि आर्थिक योजनाहरु तर्जुमा गरिनेछ ।

१०.नेपालको संविधानको धारा २९१ ले विदेशमा स्थायी बसोबास अनुमति लिएका नेपाली नागरिकहरुको लागि गरेको व्यवस्थाको विरोधमा म सदैव लडिरहेको छु । संविधानको यसै धारा विरुद्ध मैले सर्वोच्च अदालतमा रिट समेत हालेको कुरा तपाई सबैलाई अवगत नै होला । म गैरआवासीय नेपालीहरुको हकहित र उनीहरुको नागरिकता तथा सम्पतिको अधिकार प्राप्तिको लडाईमा सदैव साथ रहिरहने छु । त्यसैगरी विदेशमा रहनु हुने नेपाली नागरिकको मतदानको अधिकारका लागि पनि वुलन्द आवाज उठाइ रहनेछु ।

यस्तो छ श्रेष्ठको पृष्ठभुमि
विगत १३ वर्ष अघि देखि गैरआवासीय नेपाली संघको अभियानमा सक्रियतापूर्वक लाग्दै आएका श्रेष्ठको जन्म बाग्लुङमा भएको हो । पर्वतको कुश्मामा हुर्किएका श्रेष्ठले सोही ठाउँबाट प्रारम्भिक शिक्षादेखि माध्यमिकतह सम्मको गरेका हुन् । उनले सोसोलोजी र एन्थ्रोपोलोजीमा स्नाकोत्तर सम्मको अध्ययन गरेका छन् । सिभिल इन्जिनियरिङमा डिप्लोमा गरेका श्रेष्ठ हाल जापानको काएचु विश्वविद्यालयबाट विद्यावारधी हासिल गर्ने क्रममा छन् । उनी जापानस्थित सिटी एक्सप्रेस मनि ट्रान्सफर जापानको सीईओ, तोनान कम्पनीको अध्यक्ष, सीटी एक्सप्रेस कनेक्टको निर्देशक, एसबिआई सिटी एस्प्रेस गोलोवलका निर्देशक समेत हुन् । श्रेष्ठ जेएनएन एग्रो कम्पनीका निर्देशक पनि हुन् ।

उनको नेपालमा विभिन्न वैंकहरु, सिटी फाइनान्स, सिटी एक्सप्रेस, मनि ट्रान्सफर, सिटी ट्राभल एण्ड टुर, आइटी, आयात तथा निर्यात कम्पनि, र विभिन्न हाइड्रोपावरमा समेत लगानी रहेको छ । श्रेष्ठले एनआरएनएका संस्थापक अध्यक्ष उपेन्द्र महतोदेखि वर्तमान अध्यक्ष भवन भट्टसम्मको एनआरएनएको अभियानमा महत्वपूर्ण भूमिका खेलेका छन् । श्रेष्ठ एनआरएनभित्रको एक प्रभावशाली व्यक्तित्वका रुपमा परिचित छन् । चिनिन्छन् ।

अनुभवका आधारमा कोषाध्यक्षका लागि योग्य छु : श्रेष्ठ
श्रेष्ठले एनआरएनएको एउटा जिम्मेवार सदस्यको नाताले यो अभियानलाई थप अगाडि बढाउन नेत्तृत्व तहमा बसेर काम गर्न सक्छु भन्ने विश्वासका साथ कोषाध्यक्ष पदमा उम्मेदवारी घोषणा गरेको बताए । बिगत धेरै वर्षदेखि फाईनान्सियल सेक्टरमा काम गरेको अनुभवलाई सही रुपमा उपयोग गर्न सकिने पद कोषाध्यक्ष नै भएकोले सो पदको लागि आफु योग्य रहेको दावी गरेका छन् ।
उनी सरकारी र सामाजिक क्षेत्रमा पनि उत्तीकै सक्रियछन् । श्रेष्ठ नेपाल सरकारले गठन गरेको वैदेशिक लगानी समन्वय तथा अनुगमन समितिका सदस्य समेत भइसकेका छन् । उनले नेपालको संविधानको धारा २९१ ले बिदेशमा स्थायी बसोबास भिसा लिएकाहरुलाई ठूलो अन्याय गरेको भन्दै सर्बोच्च अदालतमा मुद्धा समेत दायर गरेका छन् ।

एनआरएनए अभियानमा श्रेष्ठको योगदान
सन् २००७ देखि २००९ र २०१३ देखि २०१७ सम्म गैर आवासिय नेपाली संघ(एनआरएनए) को विधान संसोधन तथा निमावली निर्माण सुझाव समितिको सदस्य रहेका श्रेष्ठ २०१३ देखि २०१७ सम्म व्यपार तथा लगानी प्रवद्र्धन समितिका सदस्य र २०१७ देखी २०१९ सम्म सोही समितिको सह–संयोजकको जिम्मेवारीमा छन् । श्रेष्ठ सन् २०१७ देखि हाल सम्म नेपालको संविधानमा एनआरएनका अधिकार सम्वन्धी समितिको संयोजक र एनआरएनएको विधान संसोधन तथा नियमावली निर्माण सुझाव समितिको क्षेत्रीय संयोजक समेत छन् ।

Featured