देश सूचना/ प्रबिधि

ओपो ए सिरिज २०२० नेपाली बजारमा सार्वजनिक, यस्तो छ मूल्य र फिचर्स

काठमाडौँ, असोज ७-ओपो कम्पनीले नेपाली बजारमा नयाँ मोडलका ए सिरिज २०२० मोडलका स्मार्टफोन सार्वजनिक गरेको छ। कम्पनीको लोकप्रिय सिरिजका नयाँ पुस्ताको स्मार्टफोन “एफाइभ २०२०” र एनाइन २०२० स्मार्टफोन बजारमा ल्याएको हो।

यी फोनमा विशेषगरी ब्याट्री, क्यामेरा, डिजाइन र गुणस्तारका हिसाबले बिलकुल नयाँ प्रयोग गरिएको कम्पनीको दाबी छ। लामो समयको परिक्षणपछि बजारमा ल्याइएको र यसलाई उपभोक्ताले मन पराउने बिश्वास लिईएको छ।

‌ओपो ए सिरिज २०२० का स्मार्टफोनमा ५ हजार एमएच क्षमताको ब्याट्री रहेको छ। जसले निरन्तर १९ घण्टा चलाउन मिल्ने र ११ घण्टा एचडी युटुब भिडियो हेर्न सकिने र ७ घण्टा पब्जी खेल्न सकिने कम्पनीले जानकारी दिएको छ।

विशेषगरी अडियो, भिडियो क्वालिटीका लागि राम्रो रहेको कम्पनीको भनाई रहेको छ। त्यस्तै यी फोनमा टिकटक भिडियो खिच्नका लागि अप्टिमाइजेसन गर्न सकिने क्यामेरा प्रविधि भएको, यो सिरिजका स्मार्टफोनमा पछाडीको मुख्य क्यामेरा ४८ मेगापिक्सेलको छ। यसमा चारवटा क्यामेरा रहेका छन्।

फरक आवश्यकता काम लाग्नेगरी चारवटा लेन्स राखिएको छ। मुख्य क्वाड क्यामेरासँगै ८ मेगापिक्सेलको अल्ट्रा वाइड लेन्स, २ मेगापिक्सेलको मोनो लेन्स, २ मेगापिक्सेलकै पोट्रेट लेन्स छन्। त्यस्तै अपो ए फाइभ २०२० मा अल्ट्रा नाइटमोड लेन्स पनि हुने छ।

विभिन्न रंगमा उपलब्ध हुने यो सिरिजका स्मार्टफोनमा १२८ जिबी मेमोरी हुने छ। तिनवटा कार्ड स्लट भएका यी फोनमा २५६ जिबीको मेमोरी कार्ड पनि राख्न मिल्ने छ। नेपाली बजारमा ८ जिबी रोम र १२८ जिबी र्‍याम भएको एनाइन असोज १४ देखि नेपाली बजारमा उपलब्ध हुने छ। यसको मूल्य ३५ हजार रहेको छ।

त्यस्तै ४ जिबी रोम र १२८ जिबी र्‍याम भएको एफाइभ असोज ७ देखि नेपाली बजारमा उपलब्ध हुने र यसको मूल्य २७ हजार रहेको छ।

Featured