देश

पहिलो सुरुङ मार्गको ठेक्का सम्झौता हुँदै

काठमाडौं, असोज ६–नागढुंगादेखि धादिङको सिस्नेखोला जोड्ने सुरुङ मार्ग बनाउन आज सम्झौता हुने भएको छ। २.६ किलोमिटर लामो यो सुरुङ जापानी कम्पनी हाज्मा–आन्द्रो जेभीले निमार्ण गर्न लागेको हो। निमार्ण सुरु भएको ४२ महिनामा सक्ने भनिएको सुरुङमार्ग समयमै सकिए नेपालको पहिलो सडक सुरुङ मार्ग हुने छ।

आज हुने सम्झौतामा हाज्मा–आन्द्रो जेभीका प्रतिनिधि र नेपालका तर्फबाट सडक विभागको नेपाल विकास सहायता समन्वय महाशाखाका उपमहानिर्देशक अर्जुनजंग थापाले हस्ताक्षर गर्नेछन्।। आयोजना १३ अर्बको लागतमा बन्न लागेको हो। आयोजना निमार्णको लागि जापानी अन्तराष्ट्रिय सहयोग नियोग ९जाइका०को आर्थिक सहयोग हुनेछ। यसअघि नै जाइकासँग १६ अर्ब ऋण सम्झौता भइसकेको छ। सोमबार सम्झौता भए पनि निमार्ण सुरु गर्न केही समय लाग्ने आयोजना प्रमुख श्याम खरेलले बताएका छन्।

‘आयोजनाको काम सुरू हुनुपूर्व चार सर्त पूरा हुनुपर्छ, त्यसको लागि एक महिना लाग्न सक्छ, त्यसपछि निमार्ण सुरु हुन्छ,’ खरेलले भने। उनका अनुसार निमार्ण सुरू गर्न निमार्णको सम्झौता, आर्थिक स्रोत, आयोजना स्थलको उपलब्धता र मोबिलाइजेसन खर्च आवश्यक हुन्छ।

अन्य सर्तहरू पूरा भए पनि आयोजना स्थल पूर्ण रूपमा उपलब्ध नभइसकेकोले समय लाग्न सक्ने खरेलले बताएका छन्। धादिङतर्फको जग्गा समस्या समाधान गर्न एक महिना लाग्ने उनले बताए। धादिङतर्फको जग्गा विवादका कारण निमार्ण प्रकृया पछि धकेलिँदै आएको थियो।

त्यहाँका स्थानीयले काठमाडौंतर्फकै मूल्यमा जग्गाको मुअब्जा माग गरेपछि जग्गा सम्झौता हुन नसकेको बताएका छन्। गत साउन २१ मा सरकारले प्रस्ताव गरेको दरमा नै स्थानीयले मुअब्जा लिन मानेपछि प्रकृया अघि बढेको थियो। ‘मुअब्जा लिन माने पनि कतिपय जग्गाको लालपुर्जा छैन, कुनै गुठीको जग्गा छ,’ खरेलले भने, ‘यसलाई मन्त्रिपरिषद बाट निर्णय गर्नु पर्नेछ।’भनेका छन्।

Featured