देश

बैंक वित्तीय संस्थाले आईटी अडिट गर्नुपर्ने

काठमाडौं, भदौ २५–नेपाल राष्ट्र बैंकले बैक तथा वित्तीय संस्थालाई सूचना प्रविधि (आईटी) अडिट गर्न निर्देशन दिएको छ । पछिल्लो समयमा बैंक तथा वित्तीय संस्थाले प्रयोग गर्ने सूचना प्रविधिको सुरक्षाका विषयमा प्रश्न उठेपछि नेपाल राष्ट्र बैंकले अडिट गर्न निर्देशन दिएको हो ।

केन्द्रीय बैंक प्रविधि प्रयोगमा विशेष सतर्कता अपनाउन र त्यसको सुरक्षा अडिट गर्न बैंक तथा वित्तीय संस्थाहरुलाई निर्देशन दिएको हो । विभिन्न किसिमका साइबर आक्रमण, भाइरस लगायत विधिबाट हुने डाटा चुहावट र चोरी नियन्त्रण गर्न गुणस्तरीय प्रविधि प्रयोग गर्न तथा त्यसको अडिट गर्न अनिवार्य रहेको केन्द्रीय बैंकले जनाएको छ । यो समाचार आजको कारोबार दैनिकले छापेको छ ।

Featured