विदेश सूचना/ प्रबिधि

चन्द्रयान–२ सँग सम्पर्कको आशा अझै अन्त्य भईसकेको छैन : डा. सिवन

काठमाडौं, एजेन्सी, भदौ २२-भारतको अन्तरीक्ष अनुसन्धान संगठन ‘इसरो’का प्रमुख डा. सिवनले चन्द्रयान–२ को ल्याण्डर विक्रमसँग सम्पर्कको आशा अझै अन्त्य नभएको बताएका छन्।

डा.सिवनले वैज्ञानिकहरु अझै पनि विक्रमसँग सम्पर्क स्थापित गर्न प्रयास गरिरहेको बताए। ल्याण्डर विक्रम पृथ्वीको समय अनुसार १४ दिनसम्म सक्रिय रहने सिवनले जानकारी दिए।

दुरदर्शनसँग कुरा गर्दै डा. सिवनले भने ,‘हामी सम्पर्क स्थापित गर्ने कोसिस गरिरहेका छौं। आगामी १४ दिनसम्म हामी निरन्तर कोसिस गरिरहने छौं।’

इसरोको योजना ल्याण्डर विक्रमलाई चन्द्रमाको सतहमा ‘सफ्ट ल्याण्डिङ’ गराउने थियो तर योजना अनुरुप सफलता हासिल गर्न सकिएन।शनिबार विहान ल्याण्डर विक्रमको अन्तिम समयमा ग्राउण्ड स्टेशनसँग सम्पर्क टुटेको थियो।

भारतको सरकारी टेलिभिजन च्यानल दुरदर्शनलाई दिएको अन्तरवार्तामा डा. सिवनले चन्द्रयान–२ को सफ्ट ल्याण्डिङको चार महत्वपूर्ण चरण रहेको जानकारी दिए।

सिवनका अनुसार तीन चरण सफलतापूर्वक पार गरेर अन्तिम र सबैभन्दा महत्वपूर्ण चरणमा विक्रमको ग्राउण्ड स्टेशनसँग सम्पर्क टुटेको थियो।

डा. सिवनले यसबाट इसरोको मिसन प्रभावित नहुने बताए। सन् २०२२ मा गगनयानमार्फत भारतले चन्द्रमामा अन्तरीक्षयात्री पठाउनेछ।

डा. सिवनले भने ,‘अहिले जे भयो त्यसबाट इसरोलाई कुनै असर हुँदैन। हामीहरु गगनयान परियोजनामा काम गरिरहेका छौं। यो सन् २०२० को आखिरीसम्म अन्त्य हुनेछ। चन्द्रयान–२ लगभग १०० प्रतिशत सफल भएको छ। आर्बिटरले आफ्नो काम गरिरहेको छ।’

Featured