देश

काठमाडौंमा ‘नेपाल एसएमई व्यापार मेला’ सुरु

काठमाडौँ, भदौ १९–काठमाडौंमा ‘नेपाल एसएमई व्यापार मेला’ सुरु भएको छ । साना तथा मझौला व्यवसायी महासंघ नेपालले आयोजना गरेको आजबाट काठमाडौंको भृकृटीमण्डपमा सो मेला सुरु भएको हो ।

मेलाको शुभारम्भ गर्दै संस्कृति, पर्यटन तथा नागरिक उडड्यनमन्त्री योगेशकुमार भट्टराईले साना तथा मझौंता उद्यमीहरुको सो मेलाले पनि मुलुकको समृद्धिमा महत्वपूर्ण योगदान पु¥याउने विश्वास व्यक्त गरे । उनले मुलुकको आर्थिक समृद्धि एक मात्रै अभिष्ट रहेको उल्लेख गर्दै त्यसमा एकतावद्ध भएर अघि बढ्न पनि सबै राजनीतिक दलहरुलाई आग्रह गरे ।

कार्यक्रममा बोल्दै साना तथा मझौंला व्यवसायी महासंघ नेपालका अध्यक्ष बाबुबाजी महर्जनले नेपालको उत्पादकत्वमा वृद्धि गर्ने उद्देश्यका साथ सो मेला आयोजना गरिएको स्पष्ट पारे । ५ दिनसम्म चल्ने मेलामा क्रेताले स्वदेशी उत्पादनको उपयोग गर्न पाउने र विक्रेताले आफ्नो उत्पादनको मागबारे जानकारी लिने पाउने अपेक्षा गरिएको छ ।